Britaniyalı psixoloqların apardığı yeni araşdırmaya görə, məşq zamanı söyüş söyləmək fiziki göstəriciləri artırmağa kömək edə bilər.
Axşam.az xəbər verir ki, təcrübədə 192 nəfər iştirak edib. Onlar aramsız olaraq "jim" edərkən iki qrupa bölünüblər: bir qrup hər 2 saniyədən bir söyüş işlədir, digər qrup isə neytral sözlər deyib. Nəticələr göstərib ki, söyüş işlədənlər tapşırıqları daha uzun müddət və daha effektiv şəkildə yerinə yetiriblər.
Araşdırmanın müəlliflərindən biri Riçard Stivens bildirir ki, insanlar çox zaman şüurlu və ya qeyri-şüuri şəkildə öz güclərini tam sərf etmirlər. Onun sözlərinə görə, söyüş emosional yüklənməni artıraraq insana özünü daha cəmlənmiş, inamlı və az yayındırılmış hiss etdirməyə kömək edir ki, bu da performansı artırır.
