İftardan sonra və sahurdan əvvəl 1 stəkan kefir içmək orucun gün ərzində maddələr mübadiləsinə təsirini dəstəkləyəcək. Kefir mədənizi və həzm sisteminizi rahatladır, ertəsi gün orucu asanlaşdırır.
Medicina.az xəbər verir ki, Ramazan ayında oruc tutanlar təxminən 13-14 saat ac və susuz qalırlar.
İftarla sahur arasında içdiyiniz və yedikləriniz ertəsi gün oruc tutmağınıza təsir edir. Bu səbəblə sağlam qidalanmalısınız.
İftardan sonra və sahurdan əvvəl bir stəkan kefir mütəxəssislər tərəfindən tövsiyə edilir.
Kefir probiyotiklərlə zəngindir və həzm sisteminin müntəzəm işləməsinə kömək edə bilər. İftardan sonra mədəni sakitləşdirə, həzmi asanlaşdıra və bağırsaq sağlamlığını dəstəkləyə bilər.
Oruc zamanı bədən susuz qala bilər. Kefir tərkibindəki maye sayəsində bədəni su ilə təmin edir və susuzluğun qarşısını alır.
Kefir tərkibindəki triptofan maddəsi sayəsində yuxu keyfiyyətini yaxşılaşdıra bilir. İftardan sonra yüngül bir içki kimi rahatlaşdıra bilər.
