Oturaq həyat tərzi, ürək-damar xəstəlikləri, diabet, piylənmə, hipertoniya, osteoporoz, lipid pozğunluqları, hormonal balanssızlıq, depressiya kimi bir çox ciddi sağlamlıq problemlərinə yol açır. Mütəxəssislər nizamlı idmanın xroniki xəstəliklər riskini azaltdığını və uzun ömür qapısını açdığını ifadə edərək, xüsusilə çömbəlməyin ümumi sağlamlıq üçün müxtəlif faydalar təmin etdiyini qeyd edirlər.
Sherg.az xəbər verir ki, təxminən 35 yaşdan sonra əzələ kütləsi və gücü tədricən azalsa da, mütəxəssislər onu yavaşlatmağın sadə yolunu təklif edirlər.
Amerikalı alimlər hesab edir ki, evdə asanlıqla edilə bilən çömbəlmə idmanı müxtəlif xəstəliklər riskini azaldır və ömrü uzadır.
Çömbəlmə hərəkəti sayəsində bir çox əzələ qrupları, xüsusən də omba, ayaq və kürək işləməyə başlayır. Bu, gündəlik işləri asanlaşdırmaqla insanın fit qalmasına kömək edir.
Fitnes yazıçısı Denise Austin də müntəzəm çömbəlmələrin oynaqları qoruduğunu və tarazlığı yaxşılaşdırdığını söyləyib.
“European Journal of Preventive Cardiology”də dərc edilən başqa bir araşdırmada deyilir ki, çömbəlmə kimi hərəkətlər uzunömürlülüyün göstəricisidir.
