Bədən çəkisində bir kiloqram itki belə müxtəlif xəstəliklərin inkişaf riskini azaltmağa və ömrünü uzatmağa kömək edir.
Oxu.az bildirir ki, kök insanların orqanizmində xolesterinin yığılması riski böyükdür. Çəkiyə nəzarət üçün dieta və idman vacibdir.
Birincisi, mütəxəssislər hər gün yediklərinizi izləmək üçün smartfonunuza tətbiq yükləməyi məsləhət görürlər. Yemək vərdişlərinizə diqqət yetirmək zəif tərəflərinizi anlamağınıza və məqsədlərinizə çatmanıza kömək edə bilər.
İkincisi, kiçik ölçülü qablar çox yemənin qarşısını ala bilir. Buna görə də ekspertlər kiçik ölçülü qablardan istifadəni məsləhət görürlər.
Pəhrizi yaxından izləmək üçün bu vaxt televizora baxmamaq və kompüterdə oturmamaq yaxşıdır.
Mütəxəssislər qida qəbulunu sağlam hala gətirməyi təklif edir: Yağsız süd, qatıq və pendir, daha çox meyvə və tərəvəzlə pəhriz saxlayın.
Fiziki aktivlik çəki azaltmaq üçün ən vacib vasitədir.
Mütəxəssislər tərəfindən tövsiyə olunan məşqlərə sürətli gəzinti, velosiped sürmək və rəqs etmək, yerimək, qaçmaq və ya ipdən tullanmaq aiddir.
