Körpələrdə K vitamini çatışmazlığı
K vitamini qəbul edilmədiyi üçün beyninə qan sızan və hazırda reanimasiyada olan 2 aylıq körpənin ailəsi ilə bağlı Türkiyə Sağlıq Bakanlığı cinayət işi qaldırıb.
“Sherg.az” “NTV.com.tr”yə əsasən bildirir ki, Türkiyədə 18 ildə 111 körpənin K vitamini çatışmazlığından öldüyü məlum olub. Son illərdə ailələrdə peyvənddən imtina və körpələrdə irsi xəstəliklərin aşkarlanmasına kömək edən daban skrininqə qarşı çıxanların sayı artmaqdadır. Ankaranın Etlik Şəhər Xəstəxanasında beyin qanaması keçirən iki aylıq körpə reanimasiyada intubasiya edilib. K vitamini çatışmazlığı səbəbi ilə ölüm halları araşdırılarkən məlum olub ki, Türkiyədə 1995-2013-cü illər arasında aparılan 48 araşdırmanın toplusundan əldə edilən məlumata görə, K vitamini almayan 534 körpənin yüzdə 77-də beyin qanaması olub. Kayseridəki Erciyes Universiteti Tibb fakültəsində də körpələrdə K vitamini çatışmazlığının fəsadları ilə bağlı bir araşdırma aparılıb. 10 il ərzində 120 körpə K vitamini çatışmazlığı ilə qeydə alınıb. Körpələrdən 37-si həyatını itirib. Yarıdan çoxu, yüzdə 52, daimi nevroloji pozğunluqla qaldı. Erciyes Universiteti Tibb fakültəsi uşaq nevrologiyası mütəxəssisi professor Hüseyn Per, "uşaq dünyaya gələndə K vitamini çatışmazlığı ilə doğulur. Ona görə körpəyə K vitamini vurulmalıdır. Çünki körpə orqanizmi, bağırsaqlar bu vitamini istehsal edə bilmir. Ağızdan da qəbul edə bilmirlər. Ana südündə də əskik olur, K vitamini. Bu baş verəndə K vitamini çatışmazlığından qanaxma baş verir”, deyib. Per, funksional təbabətin və alternativ müalicələrin düzgün olmadığını ifadə edib. Per xatırladıb ki, 50 ilə yaxındır ki, körpələr doğulan kimi müntəzəm olaraq K vitamini və hepatit B peyvəndi olunurlar. Türkiyədə K vitamini ilə yanaşı, peyvənd əleyhinə əhvali-ruhiyyə və daban qanının rədd edilməsi də artır. Məsələ TBMM-in Uşaqlara Qarşı Zorakılıq və Zorakılığın Araşdırılması Komissiyasının gündəliyinə çıxarılıb. Dövlət xəstəxanaları baş müdir müavini Asibe Özkan, son illərdə daban qanı qəbul edilməməsi hallarında 5 qat artım olduğunu söylədi və rədd qərarını verən ailələrin uşaqları ilə bağlı sağlamlıq tədbirləri üçün cinayət işi açdıqlarını açıqlayıb. Körpələrini bu peyvənddən yayındıran valideynlər cinayət məsuliyyətinə cəlb ediləcək.
