Türkiyədə son sutka ərzində koronavirusdan (COVID-19) 74 nəfər ölüb.
APA-nın yerli bürosunun xəbərinə görə, bu barədə Türkiyənin səhiyyə naziri Fəxrəddin Qoca son koronavirus statistikasını açıqlayarkən belə bildirib.
Nazir açıqlamasında qeyd edib ki, son 24 saatda 123 343 şübhəli koronavirus testindən keçib, onlardan 2106-nın cavabı pozitiv çıxıb, 1515 xəstə isə sağalaraq evə buraxılıb. Ağır xəstə sayı 2177 nəfər olub.
Türkiyədə ümumilikdə 377 473 nəfər yeni növ koronavirus infeksiyasına yoluxub, indiyədək onlardan 10 326 nəfər ölüb.
