Daily Mail-də çıxan xəbərlərdə A, B və ya AB qan qrupu olan insanların bəzi ölümcül xərçəng növlərinə tutulma riskinin daha yüksək olduğu müəyyən edilib.
Sherg,az xəbər verir ki, eyni araşdırma zamanı 0 mənfi və ya 0 müsbət qan qrupunun olmasının mədəaltı vəzi xərçənginə qarşı müəyyən qədər qorunma təmin edə biləcəyi ifadə edilib.
Qeyd edək ki, 50 min iranlının araşdırıldığı araşdırmada A, B və ya AB qan qrupu olan fərdlərin O qan qrupu ilə müqayisədə mədə xərçənginə tutulma riskinin yüzdə 55 daha çox olduğu müəyyən edilib. Alimlər qan qrupu A olan insanların bağırsaq xərçənginə tutulma ehtimalının yüksək olduğunu vurğulayıblar.
Xatırladaq ki, 2016-cı ildə təxminən 18 min böyüklər üzərində aparılan başqa bir araşdırma, AB qan qrupu olan insanların qaraciyər xərçəngi riskinin yüzdə 45 daha yüksək olduğunu göstərmişdi.
