Xəstə dişlər şəkərli diabetin başlanğıcını qoyan az məlum səbəblərdən biridir.
“Medicina” xəbər verir ki, tədqiqatçılar pis dişlərin diabet riskini artırdığını aşkar ediblər.
Ağız gigiyenasına çox diqqət yetirməyən insanlar şəkərli diabetə tutulma riski altındadır.
Alimlər itirilmiş dişlərin sayı ilə qlükoza tolerantlığı arasında əlaqə aşkar ediblər.
Məlumdur ki, zəif idarə olunan şəkərli diabeti olan insanlarda diş çürüməsi və diş əti xəstəlikləri də daxil olmaqla müxtəlif ağız problemlərinin inkişaf riski artır.
Ancaq indi tədqiqatçılar ağız boşluğunun gigiyenasına riayət edilməməsinin də diabet inkişaf riskini artırdığını irəli sürürlər. Buna görə də, diş müayinəsi bir insanın şəkər xəstəliyinə tutulma riskini müəyyən etmək üçün etibarlıdır.
Diabet insanın qanında şəkərin səviyyəsinin yüksəldiyi xroniki xəstəlikdir. Rusiyada təxminən 15 milyon insan şəkərli diabetdən əziyyət çəkir və hər dördüncü adam bu barədə bilmir.
Hazırkı tədqiqatın müəllifləri yaşı 20 və daha yuxarı olan 9670 xəstənin tibbi qeydlərini diqqətlə nəzərdən keçiriblər.
Onları bədən kütləsi indeksi və qlükoza tolerantlığı kimi göstəricilər maraqlandırırdı. Bundan əlavə, tədqiqatçılar itirilmiş dişlərin, plombların və periodontal xəstəliklərin sayını qiymətləndiriblər.
Yaş, cins, irq, siqaret, spirt istehlakı və sərvət kimi faktorları nəzərə aldıqdan sonra diş itkisi ilə qlükoza tolerantlığı arasında əlaqə tapıldı.
Anormal tolerantlıq qrupunda olanların 67%-i ilə müqayisədə normal dözümlülük qrupunda olan insanların təxminən 45%-i dişlərini itirmişdir. Şəkərli diabet xəstələri arasında bu göstərici 83% təşkil edib.
