İstanbul Böyükşəhər Bələdiyyəsinin sədri Əkrəm İmamoğlunun korrupsiya ittihamı ilə həbs olunması və vəzifədən alınmasına İYİ Partiyasının sabiq sədri, partiyanın qurucusu Maral Akşənər heç bir reaksiya verməyib.
Axar.az xəbər verir ki, İmamoğlu 19 martda saxlanılarkən və 23 martda barəsində həbs qərarı verilərkən Akşənərin səssizliyi diqqət çəkib.
Türkiyə mediası yazır ki, vaxtilə Akşənərin oğlum adlandırdığı İmamoğlunu müdafiə etməməsinin səbəbi bəlli deyil.
Qeyd edək ki, İYİ Partiyasının hazırkı sədri Müsavat Dərvişoğlu həm Saraçhaneyə, həm də İstanbul ədliyyəsinə gedib, İmamoğlunu açıq şəkildə dəstəkləyib.
