İran isə əlində, bel qəbrimizi qazmağa hazırdır, təcili surətdə ABŞ və Avropa ilə münasibətlərə yenidən baxmalıyıq
"Rusiya münasibətlərimizlə bağlı özünü çox arxayın aparır və düşünür ki, Ukrayna ilə "haqq-hesabı" çürütdükdən sonra Azərbaycanı çox rahatlıqla "geri alacaq".
Bu barədə "Sherg.az"a açıqlamasında Vəhdət Partiyasının sədr müavini Vasif Əfəndiyev deyib. Ekspert vurğulayıb ki, bunun üçün müəyyən əsasları da var:
"Zaman-zaman rusiyapərəst "ziyalıların" efirlərdə görünməsi mövzunu gündəmdə saxlamaq məqsədini güdür. Narahat olmalıyıq və gələciymizin qarantını təmin etməliyik. Ukrayna ABŞ ilə "mədəni sazişi" bağlamaqla bu qarantiyanı almış oldu. Biz isə Avropa İttifaqı ilə korlanmış münasibətlər müstəvisində təklənə bilərik. Müttəfiqimiz qardaş Türkiyədə ciddi daxili problemləri var. İran isə əlində, bel qəbrimizi qazmağa hazırdır. Təcili surətdə ABŞ və Avropa ilə münasibətlərə yenidən baxmalıyıq. Demokratiyanın inkişafı istiqamətində addımlar atılmalıdır. Konstitusiya reforması keçirilməlidir".
