Ukrayna Prezidenti Volodimir Zelenski Rumıniyanın yeni Prezidenti Nikuşor Danla görüşüb və onu seçkilərdə qazandığı qələbə münasibətilə təbrik edib.
Teleqraf xəbər verir ki, bu barədə V.Zelenski öz sosial şəbəkə hesabında yazıb.
O qeyd edib: "Biz Ukraynada və bütün Avropada sülhün bərqərar olunması istiqamətində aparılan diplomatik işləri, xüsusən də İstanbul görüşlərini müzakirə etdik. Moskvaya hərbi sənayenini inkişaf etidrmək və müharibəyə davam etmək cəhdlərinə mane olmaq üçün Rusiyaya qarşı sanksiyaların gücləndirilməsinin vacibliyi barədə fikir mübadiləsi apardıq. NATO-nun Haaqada keçiriləcək sammitinə böyük diqqət ayırdıq".
Ukrayna Prezidenti rumıniyalı həmkarı Nikuşor Dana Rumıniyanın Ukraynaya yardımının davam etdirilməsi, Aİ və NATO-ya üzvlüyü məsələsində bizə göstərdiyi dəstək üçün təşəkkür edib.
O bildirib ki, Rumıniya Prezidenti Odessada keçirilməsi nəzərdə tutulan Ukrayna-Şərqi Avropa sammitində şəxsən iştirak edəcək.
