“Rusiya Qərbin yetişdirdiyi vəhşiliklərə qarşı müqavimət göstərən cəbhədədir”.
Teleqraf xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.
Zaxarova qeyd edib ki, dünya dəhşətli rüsvayçılığın ortasında qalıb, Qərb ölkələri - əsrlər boyu özlərini qabaqcıl hesab edən dövlətlər XX-XXI əsrlərdə kütləvi qətl üsullarının ixtirasına qədər gəlib çıxıblar. Diplomat “belə vəhşiliklərin uzun illər sivil hesab edilənlər tərəfindən yetişdirilməsini dəhşətli” adlandırıb.
“Bu, günün fəlakətidir. Artıq qabaqlayıcı tədbirlər üçün işləməməliyik, çünki bu faciənin mərkəzində qalmışıq. Amma mən “biz” deyərkən yalnız Rusiya demirəm, digər tərəflər hələ xəbərsizdir”, - Zaxarova bildirib.
Rusiya rəsmisi Asiya, Latın Amerikası və Afrikanın bir çox ölkəsinin vaxtilə bütün bunları yaşadıqlarını və baş verənlərin açıq-aşkar irqçilik olduğunu bəyan etdiklərini vurğulayıb: “Onlar deyirlər: ayılın! Amma “sivil hissə” zombi vəziyyətindədir”.
Mariya Zaxarova əlavə edib ki, NATO ölkələri və Avropanın NATO seqmenti tam zombiləşiblər.
