Azərbaycan səfiri Rəhman Mustafayev Rusiya xarici işlər nazirinin müavini Mixail Qaluzinlə görüşüb.
APA-nın Moskva müxbiri xəbər verir ki, bu barədə Rusiya Xarici İşlər Nazirliyi məlumat yayıb.
Bildirilib ki, görüşdə Moskva ilə Bakı arasında müttəfiqlik əməkdaşlığının əsas müstəvisində əlaqələrin daha da inkişaf etdirilməsi perspektivləri müzakirə edilib, ikitərəfli və regional gündəliyin bir sıra aktual mövzuları nəzərdən keçirilib.
“Həm Rusiyada, həm də Azərbaycanda cari il üçün nəzərdə tutulan dövlətlərarası təmasların və birgə tədbirlərin qrafiki dəqiqləşdirilib. Söhbət iki ölkə arasında münasibətlər üçün ənənəvi olan səmimi və dostluq şəraitində keçib”, - Rusiya XİN-in məlumatında qeyd olunub.
