CHP-nin Qurultayı işi ilə bağlı səlahiyyətli məhkəmə mübahisəsi Konstitusiya Məhkəməsinə daşınıb.
Sherg.az xəbər verir ki, Ankara 26-cı Asliye Cəza Məhkəməsi “Konstitusiyaya zidd olduğunu” bildirərək Yüksək Məhkəməyə müraciət etmişdi.
Müraciət Konstitusiya Məhkəməsi tərəfindən tətbiq ediləcək qayda olmadığı üçün rədd olunub. İş Ankara 26-cı Asliye Cəza Məhkəməsində baxılacaq.
CHP-nin 4–5 noyabr 2023 tarixlərində keçirilən 38-ci Qurultayında qanunsuzluq edildiyi iddiası ilə Ankara Baş Prokurorluğu tərəfindən başladılan istintaq 3 iyunda tamamlanıb.
Hazırlanmış iddianamədə, korrupsiya araşdırması çərçivəsində həbsdə olan və İstanbul Böyükşəhər Bələdiyyə Başçısı vəzifəsindən uzaqlaşdırılan Əkrəm İmamoğlu da daxil olmaqla 12 nəfər üçün Siyasi Partiyalar Qanununun 112-ci maddəsindəki “səsverməyə saxtakarlıq qarışdırma” iddiası ilə 3 ilədək həbs və siyasi qadağa tələb olunub.
İddianamə Ankara 26-cı Asliye Cəza Məhkəməsinə göndərilib. Ankara 26-cı Asliye Cəza Məhkəməsi rüşvət iddialarının ağır cinayət olduğunu əsas gətirərək “səlahiyyətsizlik” qərarı verib və dosyenin ağır cinayətlər məhkəməsinə göndərilməsinə qərar verib.
Ankara Baş Prokurorluğu dosyenin Ankara 3-cü Ağır Cəza Məhkəməsinə göndərilməsinə etiraz edib.
Səlahiyyətsizlik qərarı Ankara 3-cü Ağır Cəza Məhkəməsinin 30 iyun 2025 tarixli qərarı ilə ləğv edilib.
Ankara 26-cı Asliye Cəza Məhkəməsi 4 iyulda yenidən “səlahiyyətsizlik” qərarı verərək səlahiyyət mübahisəsinin həlli üçün dosyeni Ankara Regional Apellyasiya Məhkəməsinin 5-ci Cəza Kollegiyasına göndərib.
Ankara Regional Apellyasiya Məhkəməsinin (BAM) 5-ci Cəza Kollegiyası CHP-nin qurultayı ilə bağlı açılmış işdə səlahiyyətli məhkəmənin Ankara 26-cı Asliye Cəza Məhkəməsi olduğuna qəti qərar verib.
Dosyeni yenidən araşdıran Ankara 26-cı Asliye Cəza Məhkəməsi verdiyi “səlahiyyətsizlik” qərarına qarşı edilən etirazların əsaslandığı Cinayət Prosessual Məcəlləsinin müvafiq maddəsində yer alan “Ədliyyə yurisdiksiyası daxilindəki məhkəmələr baxımından verilən səlahiyyətsizlik qərarlarına qarşı etiraz yoluna getmək olar” müddəasının Konstitusiyaya zidd olduğu qənaətinə gəlib.
Məhkəmə, həmin müddəanın Konstitusiyanın hüquqi dövlət prinsipi ilə məhkəmə müstəqilliyi və ədalətli məhkəmə araşdırması kimi hüquqları tənzimləyən maddələrinə zidd olduğunu müəyyən edərək qərarın ləğvi üçün dosyenin Konstitusiya Məhkəməsinə göndərilməsinə qərar vermişdi.
Digər tərəfdən, CHP-nin 38-ci Qurultayının ləğvi tələbi ilə açılan işə 15 sentyabrda baxılacaq.
