“Macarıstan iyun ayında Avropa İttifaqının Rusiyaya qarşı sanksiyalarının müddətinin uzadılmasına maneə yaratsa, biz rəsmi Moskvanın 240 milyard avro həcmindəki dondurulmuş aktivlərini özünə qaytarmalı olacağıq”.
APA “Der Spiegel” jurnalının saytına istinadən məlumatına görə, bunu Estoniyanın xarici işlər naziri Marqus Tsaxna NATO üzvü olan ölkələrin baş diplomatlarının Brüssel görüşü çərçivəsində jurnalistlərə deyib.
O, bu problemin qarşısını almaq üçün Macarıstanın Avropa İttifaqındakı (Aİ) səsvermə hüququndan məhrum edilməsini təklif edib:
“Gəlin, açıq danışaq. Həm biz, həm də Macarıstan bir ölkə olaraq Rusiya Prezidenti Vladimir Putinin qaydalarına uyğun oynayırıq. Avropa İttifaqı haqqında Razılaşmanın 7-ci bəndində göstərilir ki, quruma üzv olduğu halda Aİ-nin təhlükəsizliyinə təhdid yaradan hərəkətlərə yol verən ölkənin səsvermə hüququ geri alınmalıdır. Rəsmi Budapeşt hazırda məhz bununla məşğuldur. Mənim fikrimcə, bu qərarın verilməsinin vaxtı yaxınlaşmaqdadır”.
