İstanbul Böyükşəhər Bələdiyyəsinin sədri Əkrəm İmamoğlu Ankara Böyükşəhər Bələdiyyəsinin sədri Mənsur Yavaşın ilkin seçkilərdə prezidentliyə namizəd olmayacağını bildirib.
Sherg.az xəbər verir ki, İmamoğlu Dünya Radio Günündə müxtəlif qurumlarda çalışan radio yayımçıları ilə görüşüb. İmamoğlu ölkədəki vəziyyəti qiymətləndirmə çıxışından sonra radio yayımçılarının suallarını cavablandırıb. O, jurnalistlərin "Martın 23-də Cümhuriyyət Xalq Partiyasında prezidentliyə ilkin seçki olacaq. Siz namizədsiniz? Mənsur bəy namizəd ola bilərmi? Deyirlər, olmaz, amma o görüşdən nə çıxdığını dəqiq bilmirik. Həmçinin, başqa namizədlər varmı?" səpkili suallarına belə cavab verib.
"Çox maraqlı bir görüş keçirdik. Hər bir mərhələni partiyadaxili proseslərimizlə idarə edirik. Dünən və bu gün bir neçə jurnalist dostumuzla görüşdüyümüz üçün söylədiyim fikirləri burada təkrar ifadə edə bilərəm. Sonucda Mənsur bəyin baxışı fərqlidir. "Bu gün tezdir. Namizədlik üçün tezdir. Dolayısı ilə ön seçim də tezdir" kimi bir baxış var".
Qərarın dəqiqləşdirildiyini və təfərrüatların açıqlanması mərhələsinin başladığını bildirən İmamoğlu deyib:
"Bu, o deməkdir ki, prosesin təfərrüatları yəqin ki, bu həftə sonu açıqlanacaq və ictimaiyyətlə paylaşılacaq. Yol xəritəmiz gələn həftə bəlli olacaq. İnanıram ki, partiyamız Türkiyə üçün çox mühüm imkanlar olan bir yolda cəsarətlə addım atıb. Bu, demokratiya inqilabıdır. Dünyada çox azdır. Ölkəmizdə ilk dəfədir ki, prezidentliyə namizədi partiyanın üzvləri müəyyənləşdirəcək. Gec, tez müzakirələrinə mən də qatılıram. Zamanın ruhuna görə hər şey dəyişə bilər".
