İran və "Avropa üçlüyü" ölkələri (Böyük Britaniya, Almaniya və Fransa) arasında danışıqların yeni raundu yanvarın 13-də Cenevrədə keçiriləcək.
“Report” TASS-a istinadən xəbər verir ki, bu barədə İranın xarici işlər nazirinin müavini Kazem Qaribabadi deyib.
SNN telekanalı ona istinadən bildirir ki, hazırda Avropa ölkələri və İran arasında baş verənləri tam mənada danışıqlar adlandırmaq olmaz, "bu, daha çox məsləhətləşmələrdir".
Diplomat danışıqlarda iştirak edəcək İran nümayəndə heyətinin tərkibi barədə məlumat verməyib.
