İsrail Milli Təhlükəsizlik Kollecinin nümayəndə heyəti İsrail Müdafiə Qüvvələrinin Hərbi Kolleclərinin JCOM (Birgə Komandanlıq) komandiri və komendantı MG (General-mayor) Nimrod Aloninin rəhbərliyi ilə Azərbaycana səfər edib.
APA xəbər verir ki, bu barədə İsarilin Azərbaycandakı səfirliyi sosial media platformasındakı paylaşımında bildirib.
Qeyd olunub ki, səfər İsrail və Azərbaycan arasında getdikcə inkişaf edən tərəfdaşlıq üçün daha bir əlamətdar hadisədir.
“Əlaqələrimiz hər sahədə möhkəmlənməkdə davam edir və İMTK-nin Bakıya səfəri hər iki ölkənin bir-birindən qarşılıqlı öyrənməyə marağının artdığını nümayiş etdirir. Səfərin yüksək səviyyəli iştirakçıları regionun geosiyasəti və Azərbaycanın Cənubi Qafqazdakı mühüm rolu ilə tanış oldular. Biz Azərbaycan və İsraildə İMTK və Azərbaycan tərəfdaşları arasında daha çox qarşılıqlı əlaqələri planlaşdırırıq”, - Səfir Corc Dik vurğulayıb.
