“Demokratiya, yeni dünya düzənindən danışanda Bosniya və Herseqovina bir müstəmləkə, həm də yeganə müstəmləkədir”.
Bunu Azərbaycan Prezidenti İlham Əliyevin himayəsi altında və Nizami Gəncəvi Beynəlxalq Mərkəzinin təşkilatçılığı ilə keçirilən “Dünya düzəninin yenidən düşünülməsi: Çağırışların fürsətə çevrilməsi” mövzusunda XII Qlobal Bakı Forumunun açılış mərasimində Bosniya və Herseqovinanın Rəyasət Heyətinin Sədri Jelka Tsviyanoviç bildirib.
Bosniya və Herseqovinanın üzləşdiyi problemlərdən söz açan Rəyasət Heyətinin Sədri deyib ki, ölkələri yalnız dialoq yolu ilə inkişaf edə bilər: “Bu, Avropa İttifaqının, ABŞ-ın deyil, 3 xalqın ölkəsidir. Biz qarşılıqlı dialoq yolu ilə problemlərimi həll edə, inkişaf edə bilərik. Bu Forum bizim üçün problemlərimizi səsləndirmək üçün bir platformadır”.
