ABŞ-da Demokratlar və Respublikaçılarla həqiqətən rəqabət apara biləcək yeni siyasi partiya yaratmaq Marsa insan göndərməkdən daha çətin ola bilər.
AZƏRTAC xəbər verir ki, bu fikri “The New York Times” (NYT) qəzeti İlon Maskın yeni partiyanın yaradılması ilə bağlı bəyanatını şərh edərkən bildirib.
Məqalədə qeyd edilib ki, bu, Marsa insanlı uçuş təşkil etməkdən daha çətin ola biləcək son dərəcə çətin və bahalı bir prosesdir. Nəşr qeyd edir ki, “SpaceX” aerokosmik şirkətinə rəhbərlik edən Mask hər iki məqsədə nail olmağa çalışır, lakin “planetlərarası səyahətlə bağlı işlər ləng getsə də, amerikalı siyasətçilərin son onilliklərdə ikipartiyalı sistemi qırmaq cəhdləri uğurlu olmayıb”.
Bundan əlavə, NYT hesab edir ki, Maskın “yeni siyasi layihəsi” ilə bağlı nə dərəcədə ciddi olduğu və onu “sosial şəbəkələrdəki fikirlərdən real” partiyaya çevirə bilməyəcəyi hələ də bəlli deyil. Qəzetin mənbələrinə görə, Maskın partiyası haqqında danışması hələ də "konseptual xarakter daşıyır" və ideyanın həyata keçirilməsi üçün hansı addımların atılması lazım olduğuna dair konkret məlumatlara malik deyil.
Qeyd edək ki, iyulun 5-də Mask X səsvermənin nəticələrinə əsasən siyasi partiya yaradacağını bəyan edib. İş adamı partiyanı yaratmaq məqsədini “azadlığın qayıdışı” elan edib. Səsvermədə 1,2 milyondan çox sosial şəbəkə istifadəçisi iştirak edib. 65,4% yeni partiyanın yaradılmasına səs verib. İyulun 6-da sahibkar siyasi partiyanın qeydiyyata alınması üçün ABŞ Federal Seçki Komissiyasına ərizə ilə müraciət edib.
