İran prezidenti Məsud Pezeşkian hesab edir ki, Yaxın Şərq münaqişəsi regionun resurslarına çıxış əldə etmək istəyən Qərb dövlətlərinin müdaxiləsi nəticəsində alovlanıb.
Teleqraf.com xəbər verir ki, İran Prezidenti Live telekanalına müsahibəsində Yaxın Şərqin faydalı qazıntılarla zəngin olduğunu deyib.
“Qərb dövlətləri Yaxın Şərqə nüfuz etmək üçün təsir dairələrini yenidən formalaşdırır, çünki orada neft, qaz və digər faydalı qazıntılar var. Onlar Afrika ilə niyə maraqlanmırlar, çünki orada ehtiyatlar sadəcə olaraq yoxdur” deyə, Pezeşkian bildirib.
Onun sözlərinə görə, Qərb dövlətləri yerli əhalinin bütün resurslarını əlindən alıb özlərinə çəkmək istəyirlər: "Onlar istəyirlər ki, burada olan insanlar öz aralarında vuruşsunlar - bu, onlara öz planlarını həyata keçirməyə imkan verəcək".
