“Rusiya xarici işlər naziri Sergey Lavrovun bəyanatları artıq təəccüb doğurmur”.
Bu barədə “Sherg.az”a açıqlamasında millət vəkili, VHP sədri Sabir Rüstəmxanlı deyib.
Deputat bildirib ki, hələ Rusiya XİN başçısı öz mövqeyini nisbətən yumşaldıb:
“Lavrov bütün fəaliyyəti boyu ermənipərəst mövqeyini gizlətməyib. Hər açıqlamasında Ermənistanın maraqlarını daha çox müdafiə edib. Ona görə də Lavrovun sözlərindən artıq təəccüblənmirəm. Ancaq düşünmürəm ki, xarici işlər naziri birbaşa Kremlin mövqeyini dilə gətirir. Məncə, XİN rəhbəri Moskvanın rəsmi mövqeyinə ermənipərəst çalarlar da qatır”.
