Prezident Donald Trampın ABŞ siyasətinə gətirəcəyi dəyişikliklər o qədər əhəmiyyətli olacaq ki, keçmiş dəyərlərə qayıtmaq olmayacaq.
Axar.az xəbər verir ki, bu sözləri rusiyalı filosof və ideoloq Aleksandr Dugin deyib.
“Əhalinin ən azı yarısı, hətta yarıdan çoxu bu yanaşmaları, bu fikirləri sadəcə olaraq müdafiə edəcək”, - o bildirib.
Duginin sözlərinə görə, Trampın gətirdiyi dəyişikliklər ilk növbədə siyasətə və cəmiyyətə, gələcəkdə isə elm, təhsil və mədəniyyətə də təsir edəcək:
“Bu dəyişikliklər o qədər sürətli, o qədər qəti, dinamik, o qədər fundamentaldır ki! Yəni, əslində, nisbi desək, pisliyi xeyirlə, anti-ənənəvi dəyərləri ənənəvi dəyərlərlə, din əleyhinə olanları dinlə əvəz edirlər”.
Filosof onu da xatırladıb ki, bu prosesə ciddi müqavimət olacaq.
