Avropa İttifaqının (Aİ) Cənubi Qafqaz və Gürcüstan böhranı üzrə xüsusi nümayəndəsi Maqdalena Qrono Azərbaycana səfəri ilə bağlı “X”də paylaşım edib.
APA-nın məlumatına görə, Qrono bildirib ki, Aİ yaxın tərəfdaş olaraq regionda əlaqələrin tam normallaşdırılması və həyata keçirilməsində öz rolunu davam etdirəcək.
O qeyd edib ki, Avropa Komissiyası və Avropa Xarici Fəaliyyət Xidmətindən olan həmkarları ilə birlikdə rəhbərlik etdiyi nümayəndə heyəti Azərbaycanda bir sıra görüşlər keçirib.
Xüsusi nümayəndə Prezident İlham Əliyev, xarici işlər naziri Ceyhun Bayramov və digər rəsmi şəxslərlə müzakirələrin aparıldığını vurğulayıb.
Onun sözlərinə görə, görüşlərdə Vaşinqtonda əldə edilmiş Azərbaycan-Ermənistan ikitərəfli dialoqu və tarixi razılaşmalar əsasında regionun sülhsevər gələcəyi mövzusu diqqət mərkəzində olub.
Qrono həmçinin bildirib ki, Aİ regionda əlaqələrin inkişafı, sülhün faydalarının yaradılması, humanitar problemlərin həlli və keçmişin irsi ilə bağlı məsələlər də daxil olmaqla, tam hüquqlu normallaşmanın bütün aspektlərinə dəstəyi gücləndirməyə hazırdır.
O, paylaşımında səfər çərçivəsində Naxçıvana səfərini də xatırladıb:
“Həmçinin Naxçıvana səfər etdim, burada Prezident Nümayəndəsi Fuad Nəcəfli ilə görüşdüm və mümkün Aİ öhdəçilik məqsədi ilə yerlərdə nəqliyyat infrastrukturu ilə tanış oldum”.
Qrono əlavə edib ki, Aİ yaxın tərəfdaş olaraq regionda əlaqələrin tam normallaşdırılması istiqamətində fəaliyyətini davam etdirəcək.
