Bu il mayın 1-nə Dövlət Məşğulluq Agentliyinin yerli qurumlarında qeydiyyata alınmış işsiz şəxslərin sayı 225,8 min nəfər olub.
Teleqraf xəbər verir ki, Dövlət Statistika Komitəsinin məlumatına görə, bu, ötən ilin uyğun dövrü ilə müqayisədə 16,7 min nəfər çoxdur.
2024-cü il mayın 1-nə qeydiyyata alınmış işsiz şəxslərin sayı 209,1 min nəfər idi.
Azərbaycanda işsizlərin 48,7 faizini qadınlar təşkil edib.
İşsizlikdən sığorta ödənişinin orta aylıq məbləği 435,9 manat olub.
