Türkiyə Müdafiə Nazirliyi İkinci Qarabağ müharibəsinin beşinci ildönümü ilə bağlı açıqlama verib.
Teleqraf xəbər verir ki, bu barədə nazirliyin sözçüsü Zəki Aktürk jurnalistlərlə söhbətində bildirib.
“Qəhrəman Azərbaycan ordusunun işğal altında olan torpaqlarını azad etməsi ilə başlayan və 44 gün davam edən Vətən müharibəsinin beşinci ildönümü və 27 Sentyabr Şəhidləri Anma Günü münasibəti ilə Azərbaycanın müstəqilliyi, torpaqlarının azadlığı uğrunda canlarından keçmiş əziz şəhidlərimizi rəhmət və şükranlıqla, qəhrəman qazilərimizi isə hörmət və ehtiramla anırıq”, - Müdafiə Nazirliyinin sözçüsü bildirib.
