Braziliyalı supermodel Gisele Bündçen, keçmiş əri, futbol ulduzu Tom Brady ilə 13 illik evliliyini bitirdikdən sonra şəxsi məşqçisi Joaquim Valente ilə münasibətə başlayıb və fevral ayında üçüncü dəfə ana olub.
Milli.Az xarici KİV-ə istinadən xəbər verir ki, doğumdan sonra ilk dəfə ictimaiyyət qarşısına çıxan Bündçen, sevgilisi Valente və dostları ilə birlikdə Mayamidə yaxta gəzintisində görüntüləndi. Modelin doğumdan sonra sürətlə əvvəlki formasına qayıtması diqqət çəkdi.
Gisele Bündçen və Joaquim Valentenin münasibəti, modelin 2022-ci ilin oktyabrında Tom Brady ilə boşanmasından sonra iyun 2023-də başlayıb. Cütlük, münasibətlərini gizlətməyərək tez-tez birlikdə görüntülənirdi. Bəzi iddialara görə, bu münasibət Bündçen hələ evli ikən başlamışdı, lakin model bu iddiaları rədd edib.
44 yaşlı Bündchen və 37 yaşlı Valentenin oğulları dünyaya gəlsə də, cütlük hələlik körpələrinin adını və şəklini ictimaiyyətlə paylaşmayıb. Yalnız yaxın dostlarından biri körpənin ikinci adının "River" olduğunu açıqlayıb.
Yaxta gəzintisində Bündçenin keçmiş əri Tom Brady-dən olan 12 yaşlı qızı Vivian da iştirak edirdi. Modelin doğumdan cəmi bir ay sonra əvvəlki formasına qayıtması və enerjisi, pərəstişkarları və media tərəfindən təqdir edildi. /Lent.az
