17 yaşlı uşaq aktyoru Cek Veal sosial media hesabında evsiz olduğunu açıqlayıb və izləyicilərinə əməlli-başlı yalvarıb.
Sherg.az xəbər verir ki, Marvel və Disneyin məşhur seriallarından olan "Loki"də Kid Loki obrazını canlandıran aktyor Cek Veal sosial şəbəkədə paylaşdığı kədərli videosu ilə diqqət çəkib.
Cek Veal 2022-ci ildə çəkilmiş "The Peripheral" serialında və Emma Stounun baş rolda oynadığı "The Favourite" filmində qısa rol oynamışdır.
Cek Veal 3 dekabr 2024-cü il çərşənbə axşamı Instagram hesabında yayımladığı video ilə çətin həyat şərtlərini və psixi sağlamlıq problemlərini paylaşıb.
Aktyor hazırda pəncərələri sınmış təhlükəli karvanda yaşadığını və bəzən küçədə yatmaq məcburiyyətində qaldığını açıqlayıb.
