Cennifer Lopez ilə fırtınalı evliliklərini bu ilin fevral ayında başa vuran Ben Afflek, Los Ancelesdə qatıldığı bir qalada keçmiş həyat yoldaşı haqqında danışıb.
Sherg.az xəbər verir ki, Cennifer Lopez və Ben Afflekin boşanma səbəbinin “şiddətli keçinməzlik” olduğu bildirilib və cütlük arasında nə əmlak bölgüsü, nə də aliment tələbi olub.
Təxminən 20 həftə davam edən boşanma prosesinə baxmayaraq, Afflek və Lopezin dost münasibəti davam edir. “The Accountant 2” filminin qalasında danışan Ben Afflek, keçmiş həyat yoldaşını “möhtəşəm bir insan” olaraq xarakterizə edib.
“Entertainment Tonight”a verdiyi müsahibədə Afflek, medianın mənfi xəbər yazmaq üçün fürsət axtardığını bildirib və sözlərinə belə davam edib:
“Cennifer Lopez möhtəşəm biridir. Uşaqlarıma çox yaxşı davranır.”
Afflek, Lopezin onun üçün də çox önəmli biri olduğunu vurğulayıb:
“Cennifer, hörmət etdiyim və minnətdar olduğum bir insandır.”
52 yaşlı aktyor, keçmiş partnyorları ilə münasibətlərində ümumiyyətlə pozitiv bir obraz sərgiləyir. Daha əvvəlki həyat yoldaşı Jennifer Garner haqqında da belə demişdi:
“Biz iki yaxşı dost olaraq qalmağa davam edəcəyik.”
