Metropolitan İncəsənət Muzeyinin Kostyum İnstitutuna kömək məqsədilə təşkil edilən və moda dünyasının ən prestijli gecəsi sayılan "Met Gala" bu il məşhur adların iştirakı ilə keçiriləcək.
Hollivudun sevimli cütlüyü Rayan Reynolds və Blake Lively-nin bu il tədbirə qatılmayacağı açıqlanıb.
Bleyk Layvli cinsi qısnama və reputasiyasına xələl gətirməkdə günahlandırıldığını dediyi həmkarı Castin Baldonini məhkəməyə verib. Bir-birləri ilə bağlı açıqlamaları ilə gündəm olan Lively və Baldoni bir müddətdir ki, Hollivud dünyasının gündəmindən düşmür.
Məhkəmə zamanı verdiyi ifadələrlə nüfuzu sarsılan Bleyk Layvli bəzi qrupların hiddətinə səbəb olub. Bu səbəbdən Layvli və əri Rayan Reynoldsun "Met Gala"-ya qatılmayacağı iddia edilib.
Sherg.az "TMZ"-yə istinadən bildirir ki, məşhur cütlük dava başlamadan "Met Gala"-ya qatılmamaq qərarına gəlib. Cütlük 2022-ci ildən "Met Gala"-da iştirak etmir.
2025 "Met Gala"-nın aparıcıları Colman Domingo, Lewis Hamilton, LeBron James, A$AP Rocky, Pharrell Williams və Anna Wintour olacaq.
5 may 2025-ci ildə "Met Gala"-dan sonra Kostyum İnstitutunun sərgisi 6 may - 26 oktyabr tarixləri arasında ziyarətçilərin üzünə açıq olacaq.
