ABŞ-nin iş dünyası jurnalı "Forbes", öz sərvətini özü yaratmış ən zəngin ABŞ qadınlarını açıqlayıb.
Sherg.az xəbər verir ki, “Kylie Cosmetics”in qurucusu Kylie Jenner, 670 milyon dollar sərvəti ilə siyahıda yer alıb.
Müğənni, aktrisa və iş qadını Selena Gomez, “Rare Beauty” adlı gözəllik markası ilə ilk dəfə "Forbes" siyahısına daxil olub. Onun ümumi sərvəti 700 milyon dollardır.
Aprel ayında Covboy Carter turuna çıxan müğənni Beyons, 780 milyon dollar sərvəti ilə siyahıda 6-cı yerdədir.
40 illik musiqi karyerası olan və yeni mahnılar üzərində işləyən pop musiqisinin ikonik fiquru Madonna, 850 milyon dollar sərvəti ilə 5-ci sıradadır.
Üçüncü dəfə ana olmağa hazırlaşan müğənni Rihanna, “SavageX Fenty” adlı iç geyimləri və “Fenty Beauty” adlı gözəllik markalarının sahibidir və onun sərvəti 1 milyard dollardır.
Eras turu ilə 54 şəhərdə 149 konsert verən Taylor Sviftin ümumi sərvəti 1,6 milyard dollardır.
Realliti şou ulduzu Kim Kardaşian, 1,7 milyard dollar sərvəti ilə ikinci yerdədir. O, lüks moda markaları ilə əməkdaşlığı, serial rolları və SKIMS geyim markası ilə sərvətini artırıb.
Məşhur aparıcı Oprah Vinfrey 3,1 milyard dollar sərvəti ilə siyahının birincisidir.
