Johnny Depp ilə qalmaqallı şəkildə boşanan Amber Heard, üçüncü dəfə ana olduğunu açıqlayıb.
Sherg.az xəbər verir ki, böhtan davasını uduzduqdan sonra ABŞ-ı tərk edən Amber Heard, sosial media hesabında paylaşdığı yazı ilə gündəmə gəlib.
İspaniyaya yerləşən amerikalı aktrisa, əkiz uşaq sahibi olduğunu açıqlayıb. Instagram hesabında paylaşım edən 39 yaşlı ulduz, ötən ilin dekabr ayında ikinci övladını gözlədiyini bildirmişdi.
4 yaşlı Oonagh Paige adlı bir qızı olan Heard, paylaşımında belə yazıb:
“2025-ci ilin Analar Günü mənim üçün heç vaxt unudulmayacaq bir gün olacaq. İllərlə qurmağa çalışdığım ailəmin tamamlanmasından dolayı bu il sözlərlə ifadə edilə bilməyəcək qədər xoşbəxtəm. Bu gün rəsmi olaraq əkiz körpələrin Heard ailəsinə qoşulduğunu paylaşmaq istəyirəm.”
Agnes adlı bir qızı və Ocean adlı bir oğlu olduğunu bildirən ulduz, bunları da əlavə edib:
“Dörd il əvvəl ilk qızım Oonagh doğulduğunda dünyam dəyişdi… Doğumla bağlı yaşadığım çətinliklərə baxmayaraq, özüm tək və öz şərtlərimlə ana olmaq həyatımın ən gözəl təcrübəsi oldu.”
Johnny Depp, Amber Heardə qarşı açdığı böhtan davasını udmuşdu. Hazırda İspaniyada yaşayan və Hollivuddan uzaqlaşan Heard, həyatını analığa həsr etdiyini açıqlamışdı.
Heard, daha öncə sağlamlıq problemlərinə görə heç vaxt bioloji olaraq uşaq daşıya bilməyəcəyini bildirmişdi.
