Məşhur amerikalı müğənni Keti Perrinin kosmosa səyahət edəcəyi xəbəri yayılıb.
Sherg.az xəbər verir ki, Amerikalı iş adamı Jeff Bezosa məxsus aerokosmik şirkəti “Blue Origin”, NS-31 missiyası çərçivəsində təxminən 10 dəqiqə çəkəcək kosmos səyahəti ilə bağlı açıqlama verib.
Açıqlamada “New” adlı raketlə yazda reallaşması planlaşdırılan kosmos uçuşunun sərnişinləri arasında Bezosun nişanlısı, keçmiş jurnalist Lauren Sançes, jurnalist Geyl Kinq, NASA-nın keçmiş raket alimi Aisha Bowe, alim Amanda Nguyen və film prodüseri Kerianne Flynn ilə yanaşı Keti Perrinin də olacağı bildirilib. Buraxılış üçün konkret tarix göstərilməyən açıqlamada uçuşun New Shepard raketinin 11-ci insanlı uçuşu olacağı bildirilib.
Qeyd edək ki, “Blue Origin” şirkəti 2021-ci ildən kosmik turizm çərçivəsində 10 dəqiqəlik ödənişli uçuşlar həyata keçirir.
