Aktyor Mehmet Aslantuğla 27 illik evliliyini ani qərarla sonlandıran və uzun illərdir ekranlardan uzaq düşən Arzum Onan yenidən aktyorluğa qayıdır.
“Sherg.az” türk mediasına istinadən xəbər verir ki, Arzum Onan 16 ildən sonra “Bi Umut” filmində tamaşaçıların qarşısına çıxacaq.
Xəstəxanada təsadüfən tanış olduğu naməlum kişi-10 ildir danışa bilməyən iflic olan rus gəncə analıq edən Gülsüm Kabadayının hekayəsindən bəhs edən "Bi Umut" filminin Antalyada çəkilişlərinə başlanılıb. Arzum Onan filmdə Kabadayının yaxın dostu Fatma obrazını canlandıracaq.
Qeyd edək ki,Gökhan Arının rejissorluq etdiyi layihənin ssenarisini Mert Dikmen və Mustafa Uslu yazıb.
2025-ci ilin sonunda kinosevərlərlə görüşəcək "Bi Umut" filminin heyətində Fikrət Kuşkan, Yüsra Qeyik, Mehmet Esen, Füsun Kostak, Necmi Yapıcı, Anna Andrusenko, Bora Kırkım, Yağız Terzi, Birce Bircan və Levent Ülgen, Leon Kemstach, Celal Öztürk, Hayat Van Eck və Gürberk Polat yer alırlar.
