"Cowboy Carter" albomu ilə 2024-cü ilə damğasını vuran məşhur amerikalı müğənni Beyonse, dünya turnesi ilə yenidən gündəmə gəlib. Grammy mükafatlı, 43 yaşlı sənətçi bir çox rekord qırıb.
Sherg.az xəbər verir ki, 22 may – 29 may tarixləri arasında Nyu-Cersi ştatının East Rutherford şəhərində yerləşən MetLife stadionunda ardıcıl beş gecə səhnəyə çıxan Beyonse, rekorda rekord əlavə edib və hətta öz əvvəlki rekordunu belə keçib.
Live Nationun məlumatına görə, Beyonse MetLife stadionunda indiyə qədər bir sənətçi tərəfindən keçirilən ən çox – 12 konsertlə tarixə düşüb.
Müğənni eyni zamanda "Cowboy Carter" turnesi çərçivəsində: tək bir turne daxilində ən çox konsert verən, 250 mindən çox bilet satışı ilə ən yüksək bilet satışına nail olan və ümumilikdə tək bir sənətçi tərəfindən bütün dövrlər üzrə ən çox bileti satılan musiqiçi olmağı bacarıb.
Beyonse , sadəcə beş konsertdən 70 milyon dollar gəlir əldə edərək, bütün dövrlərin ən çox gəlir gətirən konsertini keçirmiş sənətçi olub.
Bundan əlavə, o, SoFi stadionunda 55,7 milyon dollarlıq gəlirlə tarixdə ən çox qazanan qadın sənətçi adını da əldə edib.
Nyu Cersi, Beyonsenin turne çərçivəsindəki üçüncü dayanacağı idi. Müğənni gələn həftə Londona, daha sonra isə Fransada üç gecəlik konsert verməyə gedəcək. İyun ayının sonunda isə doğma şəhəri olan Hyuston, Texasa yollanacaq.
Turne daha sonra Vaşinqton DC, Atlanta və Las Veqasda davam edəcək.
