ABŞ-da kassaya dair rəqəmlər açıqlanıb. 30 may – 1 iyun tarixləri arasında ən çox izlənən film, 63 milyon dollarlıq gəlirlə Lilo və Stiç olub. Film, Havay adasına gələn mavi bir yadplanetlinin Lilo adlı bir qız tərəfindən tapılmasından bəhs edir.
Sherg.az xəbər verir ki, Tom Kruzun son dəfə "Ethan Hunt" obrazını canlandırdığı “Mission: Impossible – son hesablaşma” filmi isə 27 milyon dollarla ikinci sırada qərarlaşıb.
Ralf Maççio və Ceki Çanın bir araya gəldiyi “Karate Kid: Əfsanə döyüşçülər” filmi isə vizyondakı ilk həftəsində 21 milyon dollar gəlir əldə edə bilib. Xəbərə görə, filmin büdcəsi 45 milyon dollar təşkil edir. İlk həftəsonunda 25 milyon dollar gəlir gətirəcəyi gözlənilən film, bu nəticə ilə gözləntilərin altında qalıb.
“Son dayanacaq: qan bağı” 11 milyon dollarla ABŞ kassasında dördüncü sıraya yerləşib, “Bring Her Back” adlı qorxu-triller janrındakı film isə beşinci yerdə qərarlaşıb.
