İbrahim Tatlısəs yeni eşq iddiası ilə gündəm olub. O, bir müddətdir köməkçisi Tuğçe Qorxmazla (47) eşq yaşadığı, hətta ikisinin gizli dini nikahda olduğu iddia edilib.
Məşhur ad Özbəkistandan qayıdarkən məsələ ilə bağlı susqunluğunu pozub.
Jurnalistlərə danışan İbrahim Tatlısəs iddialara “Bu xanım mənim əl-ayağımdır, işini yaxşı bacarır... Mənə körpə kimi baxır” sözləri ilə cavab verib.
İbrahim Tatlısəs Adalet Durakla ilk evliliyini Urfada edib. Bu evlilikdən Güldən, Gülşən və Ahmet Tatlı adlı üç övladı olub.
Daha sonra 1979-cu ildə Kara Yazma filmində tanış olduğu Perihan Savaşla ailə quran Tatlısəs bu evlilikdən Melek Zübeyde adlı qızı dünyaya gətirib. Ancaq 1982-ci ildə zorakılıq iddiaları ilə cütlük ayrılıb.
Tatlısəs sonradan Derya Tuna ilə eşq yaşamağa başlayıb və bu birlikdən "İdo" (İbrahim) adlı oğlu var.
Bu ayrılıqdan sonra məşhur müğənni öz verilişinə çıxan rəqqasə Asena ilə eşq yaşamağa başlayıb. İkilinin münasibəti İbrahim Tatlısəsin Asenanı aldatması ilə bitib.
İbrahim Tatlısəs 2011-ci ildə Asena ilə münasibəti bitdikdən sonra Ayşegül Yıldızla ailə həyatı qurub. Elif Ada adlı qızı olan cütlük 2013-cü ildə ayrılıb.
Digər tərəfdən, Tatlısəsin 1990-cı illərdə Işıl Çıtak ilə qısamüddətli münasibətdə olduğu və bu münasibətdən Dilan adlı bir qızı olduğu ortaya çıxıb.
Ümumilikdə 7 övladı olan İbrahim Tatlısəsin 11 nəvəsi var.
