Bir müddət əvvəl boşanacağı iddiaları ilə gündəmə gələn Melek Mosso həyat yoldaşı Serkan Sağdıçla birlikdə Bali tətili zamanı xəstəxanaya yerləşdirilib.
Sherg.az xəbər verir ki, müğənni Melek Mosso 2023-cü ildə uzun müddətdir sevgilisi olan Serkan Sağdıçla evlənib.
Ötən həftələrdə Mersində evlənən məşhur cütlükdən təəccüblü hərəkət gəlib. Bir-birini təqibdən çıxaran cütlüyün boşanacağı iddia edilib.
Mossonun əri Serkan Sağdıç qatıldığı qəbulda məsələ ilə bağlı bunları deyib: “Bunlar hər evlilikdə ola biləcək şeylərdir. Hələlik heç nə deyə bilmərəm. Biz buna böhran deyə bilmərik, heç bir qərar verilməyib”.
Ərinin ifadəsindən sonra açıqlama verən Melek Mosso belə bir ifadələrə yer verib: “O vaxt belə bir şey oldu. Amma bundan sonra təbii ki, vəziyyət dəyişdi. Biz də hər bir ər-arvad kimi mübarizə aparırıq. Elə bir şey yoxdur, boşanmırıq. Bir-birimizi çox sevirik, xoşbəxtik'.
Bütün bu hadisələrdən sonra evliliklərində yaranan böhranı həll edən məşhur cütlük tətilə yollanıb. Məşhur cütlük əvvəlcə Şri-Lankaya, sonra isə Baliyə gediblər.
Melek Mosso Bali tətili zamanı xəstəxanaya yerləşdirilib. Bədəni allergiyaya yoluxan Mosso, "Allergiyadan əziyyət çəkdiyim qədər heç bir şeydən əziyyət çəkmirəm" deyib. O, qollarının və ayaqlarının vəziyyətini göstərib.
