Beyinində şiş aşkarlanan və onun xoşxassəli olduğu müəyyən edilən müğənni Lara, çətin günlərini keçirdikdən sonra susqunluğunu pozub.
Sherg.az xəbər verir ki, “Adam Gibi Adam”, “Katmer Katmer”, “Allah Versin” kimi mahnıları ilə tanınan Lara bir neçə ay əvvəl beynində şiş aşkarlandığını açıqlamışdı.
Qısa müddət sonra şişin xoşxassəli olduğu müəyyən edilib, lakin müalicə prosesi davam edir. Müğənni “Gel Konuşalım” proqramına qonaq olub.
Yaxşılaşdıqdan sonra heç bir şeyi düşünmədiyini deyən Lara bildirib ki, xəstəxanada aparılan yoxlamalarda sümük yaşı 29 çıxıb.
“İnsanları düşünəcəyəm deyə, özümü unutmuşdum,” - Lara xəstəlik sonrası bu fərqindəliyə sahib olduğunu bildirib.
Lara ilk dəfə olaraq illərdir yuxularında xəstələnəcəyini gördüyünü və bir müddət əvvəl bir dostuna “Bu il xəstələnəcəyəm” dediyini açıqlayıb.
Müğənni həmkarı Ebru Gündeşin onun üçün çox xüsusi olduğunu qeyd edərək əlavə edib:
“Xəstəliyim zamanı məni ilk axtaranlardan biri Ebru Gündeş idi.”
