ABŞ, 16 may 2025 – Dünya şöhrətli ulduz Rihanna yeni “Friend Of Mine” adlı mahnısını təqdim edib.
Sherg.az xəbər verir ki, bu mahnı, yaxın aylarda nümayişi gözlənilən “Smurfs Movie” (Şirinlər Filmi) üçün yazılmış rəsmi saundtreklərdən biridir.
Müğənni bu barədə 240 milyondan çox izləyicisi olan rəsmi instaqram səhifəsində paylaşım edib.
Videoçarxda Rihannanın nağılvari bir məkanda kamera qarşısına keçdiyi və studiyada mahnını qeyd etdiyi anlar yer alıb.
Cəmi 5 saat ərzində paylaşım 670 mindən çox bəyənmə və on minlərlə şərh toplayıb. Pərəstişkarları Rihannanın uzun fasilədən sonra yeni musiqi layihəsində iştirakı ilə bağlı sevinclərini ifadə ediblər.
Bununla yanaşı Rihanna filmdə Şirinə obrazını da səsləndirib.
Qeyd edək ki, “Smurfs Movie” animasiya filmi 2025-ci ilin yayında nümayiş etdiriləcək və musiqi tərəfdaşlığı baxımından artıq böyük maraq doğurub. Rihannanın bu layihədə iştirakı filmin beynəlxalq səviyyədə diqqət çəkməsinə ciddi töhfə verəcək.
Elmar İbrahimli
