7 ildən sonra ilk albomunu çıxaran latın müğənni Jerar Pike albomunun adını "Las Mujeres Ya No Lloran" (Qadınlar ağlamaz) qoyub. 2024 Coachella Musiqi və İncəsənət Festivalı çərçivəsində gözlənilmədən səhnəyə çıxan Şakira albomu ilə eyni adı daşıyan dünya turunu açıqlayıb.
Sherg.az xəbər verir ki, 48 yaşlı müğənni fevralın 11-də axşam saatlarında Braziliyada dünya turnesinin ilk konsertini verib. Kolumbiyalı müğənninin növbəti dayanacaqları Argentina, Çili, Kolumbiya, Meksika, Peru və Şimali Amerika olacaq.
Şakira Rio-de-Janeyrodakı Estádio Nilton Santos-da çıxışı öncəsi sosial media hesabında geniş açıqlama yayıb. Şakira bir ildir ki, tur üçün məşq etdiyini və performansını mükəmməlləşdirmək üçün gündə 14 saat çalışdığını açıqlayıb:
"Bu sətirləri soyunub-geyinmə otağımdan yazıram. Güzgüdəki əks son nəfəsinə qədər, hər məşqdə, hər akkordda, hər addımda çalışan qadına məxsusdur. 12 ay. Gündə 14 saat. Bütün bir il ərzində hər detalı bir məqsədlə hazırlamışam: sizə həyatımın ən yaxşı şousunu vermək üçün".
