Məşhur amerikalı aktyor Robert De Niro, bu il 78-ci dəfə keçiriləcək Kann Kino Festivalında Qızıl Palma Şərəf mükafatına layiq görüləcək. De Niroya bu mötəbər mükafatı yaxın dostu və həmkarı Leonardo DiCaprio təqdim edəcək.
Sherg.az xəbər verir ki, De Niro, festivalın açılış gecəsində mükafatını alacaq. İki ulduz aktyor ilk dəfə 1993-cü ildə “This Boy’s Life” adlı filmdə birgə rol alıblar. Onlar son olaraq 2023-cü ildə “Dolunay qatiləri” (Killers of the Flower Moon) filmi ilə Kann Festivalında iştirak ediblər.
De Niro, 14 il əvvəl də Kann Festivalında münsiflər heyətinin sədri olmuşdu. Festivalın şərəf mükafatına son illərdə Meryl Streep və Jodie Foster layiq görülmüşdü.
"Çikolata", "Saklı", "Paris Seni Seviyorum", "Aşkın Büyüsü", "Bilinmeyen Kod" və "İngilis Hasta" kimi filmlərlə tanınan fransız aktrisa Juliette Binoche, bu il Kann Kino Festivalının münsiflər heyətinə rəhbərlik edəcək. O, festival tarixində bu vəzifəyə gətirilmiş ikinci qadın olacaq.
