Məşhur müğənni Sibel Can, Hakan Ural ilə nikahından dünyaya gələn böyük oğlu Engin Can Uralı 2022-ci ildə evləndirmişdi.
Sherg.az xəbər verir ki, Engin Can Ural uzun illər sevgili olduğu Merve Kaya ilə Bodrumda dəbdəbəli bir toy mərasimi ilə ailə həyatı qurmuşdu.
Özəl həyatlarını diqqət mərkəzindən uzaq saxlayan cütlük, bir müddət əvvəl uşaq sahibi olacaqları xəbərini yaxınları ilə bölüşmüşdülər.
Məlum olub ki, cütlük doğum üçün ABŞ-ı, daha dəqiq desək, Mayami şəhərini seçib.
Engin Can və Merve Kaya Ural ilk övladlarını Mayamidə qarşılayıblar. Sibel Can isə nənə olmağın sevincini yaşayıb.
Cütlüyün qızına “Lina” adı verilib. Bu ad ərəbcə “xurma ağacı” mənasını daşıyır.
Sibel Can ilə 1988–1999-cu illər arasında evli olan məşhur aparıcı Hakan Ural da ilk dəfə baba olub. O, sosial media hesabında “Bəli, baba oldum” sözləri ilə sevincini izləyiciləri ilə paylaşıb.
