Hindistanda tanınmış aktyor və TVK Partiyasının sədri Cozef Vicay Çandrasekhanın təşkil etdiyi mitinqdə izdiham yaranıb və nəticədə azı 38 nəfər ölüb, 58-dən çox insan yaralanıb.
Tanınmış aktyor Tamil Nadu ştatının Karur şəhərində mitinq keçirib.
Vicayı görmək istəyən təxminən 120.000 insan yalnız 10.000 nəfərin yerləşməsinə icazə verilən mitinqə axın edib. Sıxlığı idarə etmək mümkün olmayıb və bu da izdihamla nəticələnib.
Tamil Nadu Səhiyyə Nazirliyi hadisə nəticəsində azı 38 nəfərin öldüyünü, 58-dən çox insanın yaralandığını açıqlayıb.
Bildirilib ki, izdiham arasında yaranan çaxnaşma və temperaturun yüksəlməsi bir çox insanın, o cümlədən uşaqların halının pisləşməsinə səbəb olub.
Vəziyyətin ciddiliyini dərk edən Vicay çıxışını yarımçıq kəsərək, camaatı sakit olmağa çağırıb və tədbiri tərk edib. /Lent.az
