Bruklin Bekhem ilə valideynləri arasındakı gərginlik davam edir.
Sherg.az xəbər verir ki, ailəyə yaxın bəzi mənbələr, Viktoriya Bekhem ilə Nikola Pelts arasındakı soyuqluğun səbəbinin toy rəqsi olduğunu bildirir.
"Page Six"-ə danışan bir dəvətli, Bruklin Bekhem ilə Nikola Peltsin toyundakı xüsusi bir ana Viktoriya Bekhemin kölgə saldığını iddia edib.
Daily Mail yazır ki, cütlüyün ilk rəqsləri Only Fools Rush In və Stand By Me mahnılarının müşayiəti ilə baş tutub. Lakin başqa bir mənbə, bu rəqslərin simvolik olduğunu, əsas romantik rəqsin isə Mark Antoninin səhnəyə çıxması ilə planlaşdırıldığını bildirib.
People jurnalının xəbərinə görə, Mark Antoni səhnədə Bruklin Bekhemi və anasını – Viktoriya Bekhemi – rəqsə dəvət edib. Məşhur müğənninin Viktoriya üçün “zalda olan ən gözəl qadın” dediyi də qeyd olunub. Bu xüsusi andan sonra isə Nikola Peltsin göz yaşları içində zalı tərk etdiyi iddia olunub.
Mənbə bildirib ki, cütlüyün romantik rəqsi üçün xüsusilə Mark Antoninin You Sang to Me adlı mahnısı seçilmişdi:
“Bu rəqs üçün xüsusi bir xoreoqrafiya hazırlanmışdı. Hər kəs bunun Nikola ilə Bruklin üçün nə qədər dəyərli bir an olduğunu bilirdi. Nikola əvəzinə Viktoriya ilə rəqs edilməsi böyük məyusluq yaratdı.”
Hadisə ilə bağlı Viktoriya, Devid, Bruklin və Nikola tərəfindən rəsmi bir açıqlama verilməyib. Lakin cütlüyə yaxın başqa bir mənbə bildirib: “Zalda olan hər kəs yaşananları gördü. Ab-hava bir anda buz kimi oldu.”
Həmin mənbə, bu hadisənin ilk olmadığını və oxşar problemlərin hələ də davam etdiyini qeyd edib.
