Bir zamanlar Türkiyənin "Kanal D" telekanalında yayımlanan və dövrə damğasını vuran məşhur "Yaprak dökümü"nün "Neyyir xanım"ı, serialın əfsanəvi adlarından olan Bedia Ener Öztep dünyasını dəyişib.
Bu barədə Oxu.Az Türkiyə KİV-ə istinadən xəbər verir.
Məlumata görə, bir çox mühüm layihələrdə yer alan aktrisa və səs sənətçisi 70 yaşında vəfat edib.
Sənətçinin ölüm xəbərini onun oğlu "Instagram" hesabında paylaşıb.
"Salamat qalın, mən mələk oldum..." - deyə aktrisanın oğlu paylaşıma şərh yazıb.
Bedia Ener Öztep "Yaprak dökümü" ilə yanaşı, "Bir zamanlar Osmanlı", "Kırık kanatlar", "Mahallenin muhtarları", "Ada masalı" kimi məşhur layihələrdə də rol alıb.
