Bakı Dövlət Universitetinin (BDU) Şərqşünaslıq fakültəsinin Ərəb filologiyası kafedrasının müəllimləri - dosent Təranə Əkbərova və Xəyalə Mustafayeva 29 iyun-2 iyul 2020-ci il tarixlərində keçirilmiş “Pandemiya şəraitində ərəb dilinin tədrisi” adlı silsilə vebinar-larda iştirak ediblər.
Universitetdən Sherg.az-a verilən məlumata görə, Daşkənd Dövlət Şərqşünaslıq Universitetinin Ərəb Filologiyası ka-fedrasının təşəbbüsü ilə baş tutan vebinara dünyanın bir çox ölkələrindən olan mütəxəssislər qatılıb.
Vebinarda “Ərəbşünas tələbələr üçün danışıq praktikası”, “Ərəb dili üzrə tərcüməçi-sinxronistlərin hazırlanması”, “Ərəb dilinin qeyri-ərəblərə tədrisindəki problemlər”, “İraqda qeyri-ərəblərə ərəb dilinin tədrisi təcrübəsi”, “Amerikada ərəb dilinin öyrənilməsi və beynəlxalq mədəni əlaqələr”, “İnfoqrafika ərəb dilinin tədrisində bir vasitə kimi” adlı məruzələr iştirakçıların böyük marağına səbəb olub.
Çıxışlarda pandemiya şəraitində ərəb dilinin onlayn tədrisində yaranan çətinliklər, onların həlli yolları, ərəb ölkələri tarixinin, coğrafiyasının, mədəniyyətinin tədrisi məsələləri, ərəb dilində olan elektron resurslar haqqında ətraflı məlumat verilib
