Media qurumları ən çox məruz qaldığı hücumlar arasında fişing hücumalrı birinci yerdədir.
Bu barədə Elektron Təhlükəsizlik Xidmətinin Kibertəhlükəsizliyin idarə edilməsi sektorunun aparıcı məsləhətçisi Sənan Vəlizadə Medianın İnkişafı Agentliyi, İnnovasiya və Rəqəmsal İnkişaf Agentliyi, Rəqəmsal İnkişaf və Nəqliyyat Nazirliyi yanında Elektron Təhlükəsizlik Xidməti və "AzİntTelekom" MMC-nin birgə təşkil etdiyi media subyektləri üçün kibertəhlükəsizlik mövzusunda seminar zamanı deyib.
O bildirib ki, hücumlar zamanı 80-90% halda fişing “initial access”, yəni ilkin giriş üsuludur. İnsanların adi bir diqqətsizliyi böyük bir media orqanının infrastrukturunun sıradan çıxmasına gətirib çıxarır. Media qurumlarının eyni zamanda sosial şəbəkə hesablarının da hakerlər tərəfindən ələ keçirildiyini görürük. Bu zaman qurumların hesablarında saxta xəbərlər və məlumatlar paylaşılır. DDOS hücumları da media orqanlarının məruz qaldığı əsas hücum üsullarındandır. Bunlar daha çox xidmətin dayandırılması üçündür. Burada məqsəd subyektin fəaliyyətinin dayandırılmasıdır.
