ABŞ-də keçirilən bir sənət sərgisində dünyanın ən varlı insanları, Elon Mask, Mark Zukerberq kimi milyarderlərin üzlərini daşıyan robotlar böyük maraq doğurdu.
Sherg.az xəbər verir ki, “Art Basel Miami Beach” adlı sərginin ən çox danışılan işlərindən biri məşhur rəqəmsal sənətçi Beepleın “Regular Animals” adlanan yeni instalyasiyası olub.
Texnologiya milyarderlərinin üzlərini daşıyan robotlar NFT “istehsal edən” performansları ilə ziyarətçiləri valeh edib.
Robot itlər Elon Mask, Jeff Bezos, Mark Zukerberq, Pablo Picasso və Andy Varholun son dərəcə real maskalarını taxır. Maskalar məşhur dizayner Landon Meier tərəfindən hazırlanıb. Sərgi sahəsində dolaşan robotlar daim fotoşəkil çəkir və hər bir üslubun estetikasına uyğun şəkildə sənəd çapları yaradır.
Zukerberq versiyası Metaverse tipli vizual buraxır, Mask robotu qara-ağ robotik kompozisiya hazırlayır. Picasso kubist, Varhol isə pop-art tərzində iş ortaya qoyur.
Bezos maskalı robot isə çap yaratmır. Beeple bu barədə belə izah verib: “O da dünyanın necə görünməsini formalaşdıran şəxslərdən biridir. Ona görə bu əsərdə olmalı idi.”
Robotların hamısı kolleksiyaçılar tərəfindən 100 min dollara alınıb, lakin sahibləri instalyasiyanın “tura çıxmasına” icazə verirlər.
