Milyarder Mark Zukerberq 799 dollarlıq Meta Ray-Ban Display ağıllı eynəklərini təqdim edib. Eynəklər neyron texnologiyalı bilərziklə əl hərəkətləri ilə idarə olunur.
Sherg.az xəbər verir ki, təqdimat zamanı iki texniki problem yaşanıb: birinci demo zamanı süni intellekt səhv cavab verib, ikinci dəfə isə əl hərəkətləri işləmir və kömək üçün səhnəyə texnologiya mütəxəssisi çıxıb.
Zukerberq yeni modelin “Ray-Ban klassik üslubu və yüksək ayırdetməli ekranla ilk süni intellekt eynəyi” olduğunu bildirib. Yeni eynəklər həm səsli Ray-Ban Meta eynəkləri, həm də eksperimental Orion AR eynəkləri ilə körpü rolunu oynayır.
